Telefon: 34 46 00    |    Mánadag - Fríggjadag: kl. 08.00 - 17.00    |    Leygardag: kl. 09.00 - 13.00
 
 
í tíni kurv
Samlað upphædd
Vís innkeypskurv
(
vørur)
Alt



Jarðhitaskipan til gomlu Kommandørhúsini

Gomlu kommandørhúsini yviri við Strond skulu í framtíðini vera gistingarhús. Hotel havgrím letur upp í vár og í løtuni verða húsini umvæld og innrættað til hetta endamál.

Sum gistingarhús er húsið sera væl egnað. Útsýni er avbera gott yvir fjørðin, og grundstykkið gongur eisini heilt oman í fjørðuna. Hetta gevur møguleika hjá ferðafólki at njóta føroysku náttúruna, sum er beint uttanfyri vindeyga.

Hotel Havgrím verður hitað upp við eini jarðhitaskipan. P/F Svend Krosstein hevur útvegað jarðhitaskipanina og stendur fyri íbindingararbeiðinum. Á grundstykkinum eru borað tvey jarðhitahol, ið eru 180 metur djúp. Hesi skulu tryggja at húsini hava nokk av orku til upphiting og heitt brúksvatn. HVS Tøkni Sp/f stendur fyri rørarbeiðinum í húsinum.

 

 

Ein jarðhitaskipan er snild, tí hon fær nýtt orkuna, sum finst í jørðini. Hetta verður gjørt, við at ein strongur verður lagdur í jarðhitaholið. Veskan í hesum strongi, eisini kallað brina, verður upphitað og tilførda orkan verður hareftir leidd inn í húsið har jarðhitapumpan stendur.

Jarðhitaskipanin er tann nýggjasta av merkinum Danfoss við einum høgum nyttustigi. Nyttustigið fortelur nakað um hvussu nógva hitaorku ein fær úr skipanini. Danfoss upplýsir at árliga nyttustigið (SCOP) er heilt upp í 5,4. Hetta merkir, at úr einum kWh av streymorku framleiðir jarðhitapumpan í miðal 5,4 kWh av hitaorku um árið.

Ein slík upplýsing skal sjálvandi takast við fyrivarni, tí tað eru fleiri faktorar, ið kunnu broyta hetta. Hetta hongur m.a. av framleypshitanum í húsinum og hitanum á veskuni úr jarðhitaholinum.

 

 

 

Á myndunum síggjast slangurnar, ið verða koyrdar í jarðhitaholini.

Jarðhitaskipanir eru alt meiri vanligar á okkara leiðum og gera tað óneyðugt at hita upp við olju. Sjálvt um keypið av einari hitapumpu er ein størri íløga enn keypið av einum ketli, so hava hitapumpur tann fyrimun at rakstrarkostnaðir eru lægri og hartil eisini meiri tryggir. Oljuprísirnir hava verið sera skiftandi seinastu árini, meðan streymprísirnir hava verið javnir.

Hjá P/F Svend Krosstein kanst tú fáa vegleiðing um jarðhitaskipanir. Vit eru altíð til reiðar at geva tær eitt óbindandi tilboð á eina jarðhitaskipan, ið hóskar til tín bústað.

Set teg í samband við okkum



Høgni Nielsen

Tekniskur leiðari

Tel. 34 46 88
hogni@krosstein.fo

 

 

Hug til eitt orkuprát?

Skriva okkum ein teldupost.

Orkuprát er ókeypis og óbindandi.

Vit vegleiða hvør orkuloysn hóskar seg best til tín.

Vørunr. Vørunavn Eind Mynd Prísur v/MVG